Pedersen vann tredje etappe i Tour of Norway

20-åringen var i brot heile etappen, og ein trudde lenge at hovudfeltet ville ta igjen utbrytarane.

Det skjedde ikkje, og då det nærma seg målgang, var det berre spanske Lluis Guillermo Mas Bonet og Pedersen igjen.

Spanjolen spurta først, og Caja Rural-ryttaren så ut til å sikre seg etappesigeren, men Pedersen gjekk ned i kjellaren. Stölting-ryttaren kom seg opp på hjulet til Mas Bonet igjen og vann spurten.

Sondre Holst Enger blei nummer tre etter at han vann spurten i hovudfeltet før samanlagtsleiar Pieter Weening. (©NPK)