PEN åtvarar mot skremmande utvikling i Tyrkia

Rapporten "Surveillance, Secrecy and Self-censorship: New Digital Freedom Challenges in Turkey", som blir lansert av PEN International og Norsk PEN, dokumenterer korleis regimet i Ankara i aukande grad tek i bruk hardtslåande tiltak for å kneble ytringsfridomen i landet.

– Den digitale sensuren rammar ikkje berre forfattarar og journalistar, den rammar heile folket, slår rapporten fast.

Tyrkiske styresmakter har dei siste åra sikra seg vide fullmakter til å drive massesensur, og internettleverandørar i Tyrkia blir tvungne til å hjelpe til.

– Vi er djupt uroa over den usedvanlege graden av kontroll som tyrkiske styresmakter prøver å utøve på lovleg debattforum på nettet, heiter det blant anna i PEN-rapporten.

– Det faktum at ein av våre kollegaer, journalist og PEN-medlem Can Dündaris sit bak lås og slå samtidig med at vi lanserer denne rapporten, viser korleis ytringsfridomen stadig blir innskrenka, seier presidenten i PEN International, Jennifer Clement. (©NPK)