Per Theodor Haugen er død, 86 år gammal

Skodespelaren, regissøren og teatersjefen døydde søndag, skriv VG.

Per Theodor Haugen blei fødd 8. oktober 1932 i Kongsberg. Han var gift med skodespelaren Sidsel Sellæg. Saman fekk dei barna Kim Haugen og Helle Haugen, begge også skodespelarar.

Haugen hadde ein svært allsidig karriere. Han debuterte på scenen i 1950 og har medverka i eit 30-tals film- og TV-produksjonar. I tillegg var han teatersjef ved Oslo Nye Teater frå 1985 til 1988.

Per Theodor Haugen hadde eit uvanleg breitt register som scenekunstnar. Sjølv om han kanskje var mest kjent som farse- og komedieskuespelar, spelte han også i tragediar og drama og hadde ei rekkje hovudroller i Ibsen-framsyningar.

I 2000 gjekk av han av med pensjon. Ti år seinare blei han utnemnd til Ridder av 1. klasse av St. Olavs orden for innsatsen sin som skodespelar. Han har også fått Nationaltheatrets venners pris.

(©NPK)

Skodespelar Per Theodor Haugen er død. Her er han fotografert 15. august 1983.
FOTO: Inge Gjellesvik/NTB SCANPIX

Her i kostyme i Henrik Ibsens stykke «De unges forbund» som blei framført i Stortinget i 2000, same året som han gjekk av med pensjon. Foto: Lise Åserud / NTB scanpix