Politiet får ikkje bruka fingeren til sikta

For å opna telefonen må politiet ha ein pinkode eller fingeravtrykket til eigaren. Høgsterett har samrøystes kome fram til at paragraf 157 i straffeprosesslova ikkje gjev politiet heimel til å bruka tvang for å bruka fingeren til den sikta til å få tilgang til innhaldet på mobiltelefonen.

– Eg er naturlegvis svært nøgd med avgjerda til Høgsterett. Det finst ingen lovheimel som opnar for at ein med makt kan bruka kroppsdelen til ein person, til dømes fingeravtrykk eller auga – iriskontroll, for å undersøkja andre objekt utanfor kroppen, seier advokat Inger Marie Sunde til Stavanger Aftenblad.

Sunde førte saka for den sikta 22-åringen i Høgsterett.

Politiet reknar med at det er bevis på telefonen i form av bilete eller film av valdshandlinga som skjedde på Klepp på Jæren. (©NPK)