Politiet legg bort sak om sjølvmordsforsøket i Ålesund fengsel
Politiet legg bort saka mot fengselsbetjentane etter eit sjølvmordsforsøk i Ålesund fengsel i september i fjor.
Då mannen vart liggjande livlaus på cella, gjekk ikkje fengselsbetjentane inn, men tilkalla i staden politiet, skriv VG.
Det tok 8 minutt før politipatruljen kom, skriv VG.
Politiet har etterforska om fengselsbetjentane braut hjelpeplikta. No er saka lagd bort.
– Saka er lagd bort på grunn av mangel på bevis. Det beror på ei konkret vurdering av objektive og subjektive vilkår for straff. Det krevst forsett i saka, seier politiadvokat Alf Rune Nilsen i Trøndelag politidistrikt til avisa.
(©NPK)