Politiet vil legge vekk sak etter at sjuåring døydde

Den vesle jenta blei funnen kvelt i heimen sin i Skien i mai 2009. Saka blei den gongen lagt vekk som ikkje eit straffbart forhold. Politiet konkluderte med at dødsårsaka var kveling, og at jenta enten hadde døydd som følgje av ei leikeulykke eller etter eige ønske.

I september i fjor valde politiet å ta opp att etterforskinga, blant anna fordi saka hadde mange likskapstrekk som den såkalla Monica-saka, som blei teken opp igjen i mai 2014.

– Etterforskinga er ferdig, og det er ingen sikta i saka, seier politiadvokat Jon Borgen i Telemark politidistrikt. Saka blir no sendt over til statsadvokaten i Vestfold og Telemark for endeleg avgjerd, seier politiadvokat Jon Borgen til avisa.

Dei omfattande undersøkingane til politiet har ikkje kunne fastslå at forklaringa om kva som skjedde då jenta døydde i 2009, var feil.

I pressemeldinga politiet sende ut etter vekklegginga i 2009 konkluderte dei med at «dødsfallet kom av henging som avdøde sjølv har initiert». (©NPK)