Politikjelder: Gjerningsmannen er identifisert

(NPK-NTB): Politiet har formelt identifisert gjerningsmannen i Nice, opplyser politikjelder. Det er snakk om ein 31 år gammal fransk-tunisiar.

npk@npk.no

Publisert: 15.07.2016 kl 07:57

Sist oppdatert: 15.07.2016 kl 11:03

Politiet fann identitetspapira til mannen i lastebilen han brukte i angrepet.

Politiet har enno ikkje opplyst kva den 31 år gamle mannen heiter. Dei har ransaka bustaden hans i Abattoirs-strøket i Nice, skriv den franske avisa Nice-Matin.

Etter først å ha køyrt ein lastebil gjennom folkemengda på strandpromenaden i Nice, vart fransk-tunisiaren til slutt drepen av politiet. 84 menneske vart drepne, blant dei minst ti barn.

Trettiéinåringen var blant anna kjent for politiet i samband med ein del tjuveri- og valdssaker, opplyser ei politikjelde som står etterforskinga nær, til Reuters. Han skal ikkje ha vore i søkjelyset hos etterretningstenesta.