Prinsesse Märtha Louise opna nytt førarhundanlegg på Ås

Prinsesse Märtha Louise har offisielt opna Blindeforbundet sitt nye anlegg for førarhundar på Ås i Viken.

per.christensen@ntb.no/bent.tandstad@npk.no

Publisert: 07.09.2022 kl 12:28

Sist oppdatert: 07.09.2022 kl 13:56

Anlegget har plass til rundt 50 hundar og er tilrettelagt for opplæring av førar- og servicehundar.

Det er også sett av plass til sju kvalpekull samtidig, skriv Statsforvaltaren i Oslo og Viken i ei pressemelding.

Anlegget vart opna med snorklipping utført av prinsessa, som også fekk helse på fleire servicehundar og prøvesett i ein rullestol.

Prinsessa ville gjerne snakke om hundane, og ikkje om trulova Durek Verrett, då ho fekk spørsmål av NRK om dialogen mellom foreldra hennar og han er i gang.

– Veit du, det er så fint å vere her på hundeskulen og det nye bygget her. Eg håpar at mange, mange hundar for lov til å hjelpe menneske til å bli meir sjølvstendige i kvardagen og få fridommen sin tilbake. Det er jo det desse hundane hjelper med, og det er eg veldig glad for, svarte ho på spørsmålet til kanalen.

(©NPK)

Prinsesse Märtha Louise stod for den offisielle opninga av Hundeskolen Veivisere i regi av Noregs Blindeforbunds førarhundanlegg på Ås. Foto: Lise Åserud / NTB

Prinsesse Märtha Louise stod for den offisielle opninga av Hundeskolen Veivisere i regi av Noregs Blindeforbunds førarhundanlegg på Ås. Her får ho prøve seg i rullestol med assistanse av hund. Foto: Lise Åserud / NTB

Prinsesse Märtha Louise stod for den offisielle opninga av Hundeskolen Veivisere i regi av Noregs Blindeforbunds førarhundanlegg på Ås. Foto: Lise Åserud / NTB