Privat omsorgsfirma får hygienekritikk

Saka blei ifølgje Aftenposten meldt inn til Fylkesmannen av Høgskolen i Oslo og Akershus etter at to sjukepleiarstudentar som hadde praksis, reagerte på behandlinga ei eldre kvinne fekk av Attendo heimeteneste. Studentane varsla blant anna om at same vaskevatn blei brukt til avføring og sårstell og at handhygiena var under all kritikk.

Helseetaten i Oslo kommune har i etterkant sendt brev til Attendo om at dei vil gjere ei eiga vurdering av saka, som «vil kunne få følgjer for Attendos kontrakt med Oslo kommune».

Kommunikasjonsansvarleg Geir Hansen i Attendo Norge seier dei ser alvorleg på saka.

– Vi ønsker openheit rundt kvaliteten vår og ein god avvikskultur. Varsling er ein del av den. Men vi ønskjer å vente på konklusjonen til Fylkesmannen før vi kommenterer ytterlegare, seier han. (©NPK)