Putin gratulerer Lula med sigeren

– Valresultatet har stadfesta den imponerande politiske autoriteten din, seier Putin i ei fråsegn frå Kreml måndag.

– Eg håpar at vi gjennom felles innsats kan utvikle konstruktivt russisk-brasiliansk samarbeid på alle område, heldt den russiske presidenten fram.

20 år etter at Lula vart vald til president i Brasil for første gong, vann han søndag ein hårfin siger over høgreradikale Jair Bolsonaro.

I mai vekte Lula reaksjonar då han uttalte at Ukrainas president Volodymyr Zelenskyj er like mykje ansvarleg som Putin for krigen.

Bolsonaro besøkte Putin i Moskva 16. februar, få dagar før Russland invaderte nabolandet Ukraina. Etter krigsutbrotet nekta Bolsonaro å fordømme krigen og sa at Latin-Amerikas største land ville vere nøytralt.

(©NPK)