Reglane for innleigd arbeidskraft blir skjerpa

Allereie i haust blir reglane skjerpa for innleigd arbeidskraft. – Heile, faste stillingar skal vere normalen i Noreg, seier statsminister Jonas Gahr Støre.

linus.rovik.hauge@ntb.no/kari.hamre@npk.no

Publisert: 30.05.2022 kl 16:41

– I nokre delar av arbeidslivet har bruken av innleigd arbeidskraft fått breie om seg, det er det arbeidsfolk som no betaler prisen for. Det blir det no slutt på, seier Støre til TV 2.

Det skjer i samband med innføringa til regjeringa av ein såkalla «Noregsmodell» med nasjonale krav. Arbeids- og inkluderingsminister Marte Mjøs Persen (Ap) seier behandlinga av eit nytt regelverk vil skje raskt.

– Målet er at Stortinget skal få eit nytt regelverk til behandling i haust, seier Mjøs Persen til kanalen og får støtte av LO.

Nokre av forlaga som har vore på høyring, er:

Eit forbod mot innleige på byggjeplassar i Oslo, Viken og tidlegare Vestfold.
Innstrammingar i heile landet på moglegheita til innleige frå bemanningsføretak.
Rettane til arbeidstakarar blir styrkte slik at du får rett til fast tilsetjing i innleigeverksemda etter to år.

(©NPK)

Arbeids- og inkluderingsminister Marte Mjøs Persen (Ap) lovar rask behandling av tiltaka for å skjerpe krava til innleigd arbeidskraft.
Foto: Annika Byrde / NTB / NPK