Rektor i Førde åtvarar om «plumbobomber»
Etter at elevar ved Slåtten skule i Førde fann ei Plumbo-flaske i nærleiken av fotballbanen, sende rektoren ut åtvaring om «plumbobomber» til føresette.
– Det ser ut til at nokon har prøvd å lage ein plumbobombe. Naboar har høyrt at det small i området her tidlegare denne veka. Plumbo er etsande og svært farleg, skiver rektor Turid Irene Hatlem i meldinga til føresette ved skulen.
Ho stadfestar funnet av Plumbo-flaska overfor NRK og seier at politiet er varsla.
Foreldre og føresette blir no oppmoda til å snakke med barna og åtvare dei mot å ta i desse flaskene dersom fleire skulle dukke opp.
Plumbo er kjent merke for reingjeringsprodukt, mellom anna for reins av avløp.
(©NPK)
Ein rektor åtvarar om det ho mistenkjer å vere ei «plumbobombe» etter at ei Plumbo-flaske vart funne ved ei fotballbane i Førde. Foto: Lise Åserud / NTB / NPK