Biden varslar tale om hjelp til Ukraina

President Joe Biden seier han er bekymra for at indre strid i Det republikanske partiet kan skade støtta til Ukraina. Han varslar ein tale om Ukraina-støtta.

Publisert: 04.10.2023 kl 19:38

Sist oppdatert: 04.10.2023 kl 19:47

Biden seier han snart vil halde ein tale der han understrekar kvifor USA må føre vidare støtta til landet. Når talen skal haldast, er uklart.

Biden antydar også at det er andre måtar USA kan finansiere hjelpa til den ukrainske kampen mot Russlands invasjon på, men vil ikkje gi nærare detaljar.

Presidenten oppmodar også amerikanske politikarar om å gjere noko med den «giftige atmosfæren» i Washington.

President Joe Biden seier han vil halde ei tale om USAs støtte til Ukraina om kort tid. Foto: Evan Vucci / AP / NTB