Riise tilbake som bettingambassadør

35-åringen avslutta nyleg sin kontrakt med Aalesund. Han ville likevel ikkje seie at han la fotballkarrieren på hylla.

Nokre få dagar seinare er det klart at han er tilbake på lønningslista i Betsson.

– Eg er frykteleg glad i Betsson og veldig nøgd over å få vere tilbake. Vi har allereie ei lang historie saman og går no laus på ein ny periode der det kjem til å skje masse spennande ting. Det skal for eksempel bli veldig gøy å dra til Las Vegas og delta i poker-VMs beste turnering i juli, seier sunnmøringen i ei pressemelding. (©NPK)