Røde-Kors-tilsette bortførte i Afghanistan

(NPK-NTB-DPA): Fem tilsette i Den internasjonale Røde Kors-komiteen er bortførte av væpna menn i provinsen Ghazni i Afghanistan, opplyser ein ICRC-talsmann.

Dei fem lokalt tilsette vart førte bort tysdag, og ICRC har innstilt aktivitetane sine i provinsen, opplyser talsmann Ahmad Ramin Ayaz til nyheitsbyrået DPA torsdag.

Hjelpearbeidarane er i live og familiane deira er informerte om hendinga, legg han til. Det er ukjent kven som bortførte dei fem.

– Vi hadde kontakt med gruppeleiaren onsdag. ICRC-arbeidarane er i live. Vi er i kontakt med sikkerheitsstyrkane i provinsen om å sette fri hjelpearbeidarane, seier Ayaz.

Inga gruppe har teke på seg ansvaret for bortføringane. (©NPK)