Haaland inne på topp ti i Ballon d'or-kåringa – Ronaldo med dårlegaste plassering på 17 år

Det er klart måndag etter at 11.- til 30.-plass er offentleggjord. Jærbuen leverte nok ein strålande sesong for Borussia Dortmund før overgangen til Manchester City i sommar, og 22-åringen har allereie sett nye rekordar etter overgangen til Premier League.

Haalands endelege plassering vil vere ny rekord for ein norsk herrespelar. I fjor vart han nummer elleve.

For Cristiano Ronaldos del var ikkje resultata måndag like lystig lesing. Namnet til portugisaren stod nemleg på 20.-plass då dei første resultata av årets Ballon d'or-kåring vart offentleggjorde.

Det er same plassering som han fekk tilbake i 2005. Då delte portugisaren 20.-plassen med Jamie Carragher.

Sidan den gong har Ronaldo vunne den gjæve prisen heile fem gonger (2008, 2013, 2014, 2016 og 2017), og portugisaren har stort sett vore fast inventar blant dei tre beste i kåringa.

Plasseringane frå 16.- til 30.-plass har så langt vorte offentleggjorde av sportsmagasinet France Football. Fleire fotballekspertar held franske Karim Benzema som klar favoritt til å stikke av med gullballen.

(©NPK)

Erling Haaland er sikra ein plass blant dei ti beste i årets Ballon d'Or-kåring. Foto: Jon Super/ AP/ NTB.

Cristiano Ronaldo enda på ein 20.-plass i årets Gullballen-kåring. Foto: Dave Thompson/ AP/ NTB.