Rosenborg klare til å henta Gytkjær

(NPK-NTB): Dersom Alexander Søderlund (28) går til Saint-Étienne, blir truleg Christian Gytkjær (25) klar for Rosenborg.

npk@npk.no

Publisert: 21.12.2015 kl 16:58

Det fortel både Haugalandnytt og Haugesunds Avis.

Gytkjær har tidlegare uttalt at han ønskjer seg bort frå Haugesund. No tyder mykje på at Rosenborg ønskjer å erstatta Søderlund – som i si tid blei henta frå nettopp Haugesund – med den danske FKH-spissen.

25-åringen netta ti gonger på 30 kampar for Haugesund denne sesongen. Gytkjær har vore i FKH i tre sesongar.

RBK-spiss Søderlund blir truleg klar for den franske toppklubben Saint-Étienne ein av dei nærmaste dagane. Overgangssummen skal liggja på rundt 14 millionar kroner, opplyser franske media. (©NPK)