Rotevatn jublar over skjerping av EUs klimamål

EU-kommisjonens forslag om å auke klimamålet for 2030 frå 40 til 55 prosent er ei svært god nyheit, meiner klima- og miljøminister Sveinung Rotevatn (V).

anne.marjatta.goystdal@ntb.no/kirsten.offerdal@npk.no

Publisert: 16.09.2020 kl 10:20

– Noreg har gjentekne gonger oppmoda EU til å heve ambisjonane sine til 55 prosent. Både statsminister Erna Solberg og eg har teke dette opp med kommisjonen fleire gonger. Eg er glad for å sjå at kommisjonen no foreslår same tal som vi har argumentert for, seier Rotevatn.

– Kommisjonsforslaget til forsterka klimamål for 2030 er ei svært god nyheit for klimaet i verda, seier han.