Rotoren og eit girfeste losna under helikopterstyrten ved Turøy

(NPK-NTB): Rotoren på helikopteret som styrta ved Turøy i Hordaland for fjorten dagar sidan, losna saman med girfestet, ifølgje VG.

npk@npk.no

Publisert: 13.05.2016 kl 18:04

VG er kjent med at Statens havarikommisjon har funne festemekanismane, ein bolt og sjølve festet, som heldt staget fast til toppen av hovudgir-boksen.

Støttestaget som er med på å halde girboksen til rotoren på plass, og sjølve rotoren vart funne 300– 400 meter unna havaristaden, ifølgje avisa.

Havarikommisjonen åtvarar mot å trekkje årsaksslutningar ut frå dette.

Klokka 18.30 fredag kveld skal Statens havarikommisjon for transport leggje fram ein rapport som, ifølgje kommisjonen, ikkje inneheld nokon konklusjonar eller tilrådingar.