Russisk heilomvending – Boeing-fly vert ikkje teke ut av trafikk

(NPK-NTB-Reuters): Den russiske flyhavarikommisjonen trekker no tilbake avgjerda om å ta flytypen Boeing 737 ut av trafikk i landet.

Det var torsdag at havarikommisjonen MAK uttalte at den amerikanske flytypen, som er ein av dei mest brukte i varda, skal takast ut av trafikk i Russland på grunn av «alvorlege manglar».

Fredag gjorde havarikommisjonen heilomvending.

– MAK har tilbakekalt brevet, seier Natalija Fileva, medeigar i det russiske flyselskapet S7, etter eit møte med styresmaktene i Moskva fredag.

Ordren som kom torsdag gjekk ut på at Boeing 737-flya måtte takast ut av trafikk i Russland inntil det kan framleggjast dokumentasjon på at flya er trygge. (©NPK)