Zenit St. Petersburg, Dinamo Moskva, Sotsji og CSKA Moskva går saman i eit forsøk på å få gjort om Uefa-vedtaket. Det europeiske fotballforbundet vedtok tidlegare i månaden å føre vidare sanksjonane sine som følgje av den russiske krigføringa i Ukraina.

«Vi håpar at prinsippa for idretten blir haldne oppe», står det i ei fråsegn frå CSKA, ifølgje nyheitsbyrået Tass.

Uefa-utestenginga rammar både russiske landslag og klubbar. Kvinnelandslaget får ikkje delta i EM-sluttspelet i sommar, og herrelaget blir nekta spel i nasjonsligaen og blir påført eit tvangsnedrykk.

På klubbnivå blir ingen russiske lag å sjå i Champions League, europaligaen eller conferenceligaen. Det er den nye røyndommen for fotballen i Russland inntil CAS eventuelt gir dei russiske klubbane medhald i ankeprosessen.

(©NPK)

Russlands president Vladimir Putin tek på VM-pokalen etter finalen mellom Frankrike og Kroatia i Moskva i 2018. Her er han saman med Fifa-president Gianni Infantino. Foto: Svein Ove Ekornesvåg / NTB