Russland planlegg kutt i kolproduksjonen på Svalbard
Russland vil kutte kolproduksjonen i Barentsburg på Svalbard. Samtidig vil Russland auke turismen frå «vennlege land».
Russland har i dag kolproduksjon gjennom det statlege selskapet Trust Arktikugol i Barentsburg. No planlegg Russland å redusere produksjonen frå 120.000 tonn i året til 40.000 tonn i året.
– Planen er å redusere kolproduksjonen til det minste nødvendige volumet innan 2032, seier Aleksej Tsjekunkov, som Russlands minister for utvikling av den fjerne Austen og Arktis, ifølgje det russiske nyheitsbyrået Tass.
Det var High North News som først omtalte saka i Noreg.
Samtidig skriv Tass at Russland ønskjer å tiltrekkje turistar frå «vennlege land» til den russiske busetjinga gjennom å opne for anløp frå cruiseskip og starte direkteflygingar frå Russland.
(©NPK)
Russland vil kutte i kolproduksjonen i Barentsburg. Foto: Berit Roald / NTB
