Ruud møter italienar i Koblenz
Casper Ruud tek ikkje lange pausen etter å ha bomma i Australian Open-kvalifiseringa. Onsdag speler han Challenger-turnering i tyske Koblenz.
Den norske 20-åringen er førsteseeda i turneringa og går rett inn i 2. runde etter å ha fått walkover i den første.
Ruud skal møte italienaren Raul Brancaccio, som er rangert som nummer 488 i verda. Kampen blir spelt rundt klokka 12 onsdag.
Ruud vil få sjansen til å teste den vonde hofta igjen i Koblenz-turneringa. Han har trøbla med hofta i lengre tid og kjente òg til skaden då han rauk ut i kvalifiseringa på hardcourten i Melbourne sist veke.
Samtidig er Snarøya-guten på jakt etter rankingpoeng for å komme seg inn i topp 100 i verda. Han er no rangert på 112.-plass, men risikerer å falle sidan han mistar dei 70 rankingpoenga han skaffa seg då han tok seg til 2. runde i Australian Open i fjor.
Med siger over Brancaccio vil Ruud møte anten Michal Przysiezny (Polen) eller Tallon Griekspoor (Nederland) i 3. runde.
(©NPK)
Casper Ruud går rett inn i 2. runde i Challenger-turneringa i tyske Koblenz.
Foto: Lars Eide / NTB scanpix