Ei gruppe uavhengige FN-ekspertar la denne veka fram ein 131 sider lang rapport der dei dokumenterer Rwandas støtte til opprørsgruppa M23 og slår fast at rwandiske regjeringsstyrkar opererer i nabolandet.

Ei talskvinne for regjeringa i Kigali avviser rapporten.

– Denne rapporten er ein taktikk for å leie merksemda vekk frå dei verkelege spørsmåla, og ho inneheld usanne skuldingar som bør bli møtt med den forakta dei fortener, heiter det i ei fråsegn Yolande Makolo. 

– Rwanda har legitim rett til å forsvare territoriet vårt og innbyggjarane våre, legg ho til. 

Forholdet mellom Rwanda og Kongo har lenge vore anstrengt. Rwanda skuldar Kongo for å verne etniske hutuar som stod bak folkemordet på tutsiane og moderate hutuar i 1994. Kongo skuldar Rwanda for å støtte M23, ei opprørsgruppe som består av mange tidlegare tutsisoldatar frå den kongolesiske hæren. 

Ifølgje ekspertar er rundt 130 ulike væpna grupper aktive i det austlege Kongo. Mange av dei kjempar om kontroll over dei verdifulle gruveressursane i regionen, som omfattar koppar, kobolt, gull og diamantar.

(©NPK)