Ryanair ser på heile Noreg etter Rygge-vedtak

Det opplyser Ryanairs sals og markedssjef for Skandinavia og Baltikum Hans Jørgen Elnæs i ein e-post til NTB.

– Vi gjennomfører for augneblinken ein gjennomgang av våre operasjonar i Noreg, på bakgrunn av situasjonen for Rygge og den norske avgjerda frå regjeringa om å innføre den nye skatten, skriv Elnæs.

Selskapet vil informere om planane sine ein av dei kommande dagane, legg han til.

Sjølve styrevedtaket kommenterer Ryanair slik:

– Vi har notert oss at Oslo Rygge (Moss Lufthavn Rygge, red.anm.) har annonsert at dei planlegg å legge ned flyplassen, på bakgrunn av den nye øydeleggjande og dårleg planlagte «miljøavgifta» på flyreiser som den norske regjeringa har innført. (©NPK)