ANNONSE
Annonse

Sömskar best på fellesstarten i Sandnes

Linn Sömskar er kanskje den beste kvinna i verda på rulleski og stakk av med sigeren på 10 kilometer klassisk under Blink-festivalen fredag.

Den svenske jenta var også best over 52 kilometer klassisk staking torsdag. Fredag kom ho i mål på 22.19,5 og var sju tidelar framfor tyske Victoria Carl i mål. Rett bak der igjen følgde slovenske Eva Urevc på 3.-plass.

– Eg er i ganske bra form, trur eg, sa Sömskar til NRK.

– Ho er veldig rask. Eg må prøve å lære av henne, sa Carl.

Katerina Janatova frå Tsjekkia vart nummer, medan Tiril Udnes Weng vart beste norske på 5.-plass. Ho var tre sekund bak vinnaren i mål.

– Linn og Victoria var dei to klart beste. Eg hadde meir enn nok med å henge med. Det er ein jobb å gjere utover hausten, sa Tiril Udnes Weng.

Julie Bjervig Drivenes var den andre norske løparen som tok seg inn blant dei beste. Ho var seks sekund bak på 8.-plass.

(©NPK)

Linn Sömskar i Seefeld i 2018. Foto: Terje Pedersen / NTB.

ANNONSE
Annonse