Samanstøytar mellom politi og demonstrantar i Kongo

Tryggingsstyrkane brukte tåregass mot dei rundt 5.000 demonstrantane i hovudstaden Kinshasa torsdag. Det er ikkje klart om nokon blei alvorleg såra eller mista livet i samanstøytane.

Nyheitsbyrået AFP skriv at demonstrantane kasta steinar og at politiaksjonen blei sett i verk etter at demonstrasjonstoget forlét frå si avtalte rute.

Kabila har hatt makta i landet sidan 2001. Opposisjonen oppmoda til landsomfattande demonstrasjonar etter at Kabila-rivalen Moise Katumbi nyleg blei skulda for å hyre inn utanlandske leigesoldatar til eit påstått kupp mot presidenten.

Katumbi nektar for skuldingane, som blei sett fram etter at han kunngjorde at han vil stille som presidentkandidat.

Opposisjonen fryktar at Kabila vil prøve å utsetje presidentvalet, som etter planen skal haldast i november. (©NPK)