Samferdselsdepartementet tillét frakt av kongekrabbe frå Noreg til Sør-Korea

På bakgrunn av at sørkoreanske selskap har slutta å frakte levande kongekrabbe frå Noreg til Sør-Korea, er det berre russiske selskap som har vore aktuelle. Men Norges luftfartsforhandlingar med Russland har førebels ikkje gitt nokon gode løysingar.

For å gi bransjen tid til å finne alternative løysingar har samferdselsminister Ketil Solvik-Olsen (Frp) bede Luftfartstilsynet om å gi det russiske selskapet løyve til slike flygingar i seks månader til.

– Norsk sjømat er populært i marknader over heile verda. Samtidig må både bransjen og vi jobbe med å finne ei meir permanent løysing i tråd med bilaterale luftfartsavtaler med nabolanda våre, seier samferdselsministeren.

Det er i hovudsak norske og sørkoreanske flyselskap som kan fly mellom Noreg og Sør-Korea. (©NPK)