Samoa stengjer ned på grunn av eitt koronatilfelle

Øygruppa i Stillehavet stengjer grensene fredag og førebur nedstenging av samfunnet.

Alle internasjonale reiser både sjøvegen og med fly blir stansa på grunn av det første smittetilfellet i øystaten. Det vart registrert torsdag på hovudøya Upolu.

Samoa har ei befolkning på rundt 200.000. Rundt 90 prosent av dei er fullvaksinerte mot korona, ifølgje styresmaktene i landet. Den vesle nasjonen er blant dei få som har unngått koronasmitte under pandemien.

(©NPK)

Øygruppa Samoa i Stillehavet stengjer grensene fredag og førebur nedstenging av samfunnet. Biletet viser Den katolske kyrkja i Apia på øya Upolu. Foto: Dean Purcell / New Zealand Herald / AP / NTB