Seglaren Erikstad norsk flaggberar i Paralympics

Opningsseremonien er onsdag kveld lokal tid.

– Dette er ei veldig stor ære for meg. Det er mange andre store idrettsutøvarar som har hatt denne oppgåva før meg, og det er både hyggjeleg og ærefullt at eg blei spurd om å gjera denne jobben. Eg sa ja med ein gong. Dette er stort, seier Erikstad til NTB.

Bjørnar Erikstad representerer Tønsberg seglforening og bur i Nøtterøy i Tønsberg kommune. Han konkurrerer i klassen 2,4mR, og 35-åringen deltek i Paralympics for fjerde gongen. Den beste plasseringa hans kom i 2008 då han blei nummer sju. I 2004 og 2012 blei det 8.-plass.

– Ambisjonen er å prestera så godt eg kan også denne gongen. Får eg til det, kan eg hamna blant dei aller beste. Det viktigaste av alt er at det eg har trent på i forkant i fleire år, det får eg også ut i konkurransen. Det blir viktig å halda nervane under kontroll og opptre som normalt, seier Erikstad.

I 2012 i London var det også ein seglar som var flaggberar. Det var Alexander Wang-Hansen.

I Rio-OL i august var skyttaren Ole-Kristian Bryhn flaggberar for Noreg. (©NPK)