Annonse

Sikta etter dødsfallet i Åndalsnes er sett fri

(NPK-NTB): Den 23 år gamle mannen som var sikta etter dødsfallet til ein 21-åring i Åndalsnes i Møre og Romsdal, er sett fri.

– Den informasjonen som politiet no har, betyr at sikta ikkje lenger kan siktast for Tobias Hattrem Moas død, opplyser etterforskningsleiar Kjell O. Moen ved Molde politistasjon i ei pressemelding.

Det er likevel mogleg at 23-åringen kan straffast for kroppskrenking eller andre forhold i saka.

Tobias Hattrem Moa døydde etter at 23-åringen slo han så han fall i bakken, opplyser politiet. Hendinga skjedde då dei to var på veg til eit nachspiel saman med fleire andre. (©NPK)