Sintef tilrår breiare parkeringsplassar

I dag er parkeringsplassane 2,5 meter breie. Sintef tilrår å auke standarden til 2,6 meter.

– Éin ting er at ein må kunne køyre inn og ut av ein parkeringsplass på ein grei måte. Men når bilen er parkert, må ein også ha plass til å opne dørene, seier rådgivar Anders Kirkhus i forskingsinstituttet Sintef i ei pressemelding.

Sintef meiner det kan vere farleg om passasjerane må ut av bilen før han blir parkert.

– Då kan ein fort komme i ein situasjon der trygg plassering av barn og bikkjer, bagar og utstyr medan ein køyrer inn og ut av plassen, blir vanskeleg, seier Kirkhus.

Djupna bør likevel halde fram med å vere den same som i dag, tilrår Sintef.

(©NPK)

I dag er parkeringsplassane 2,5 meter breie. Sintef tilrår å auke standarden til 2,6 meter. Foto: Cornelius Poppe / NTB / NPK