Sju arrestert i tørrfiskaksjon – utviste frå Noreg

(NPK-NTB): Sju personar utan opphaldsløyve vart arresterte under ein større aksjon mot transport av bilar, bleier og tørrfisk til Nigeria onsdag. Desse vil no bli utviste frå Noreg.

npk@npk.no

Publisert: 05.11.2015 kl 19:08

Det opplyser kommunikasjonsrådgjevar Arild Strømmen i Politiets utlendingseining (PU) til Aftenposten.

Fleire etatar deltok i aksjonen. Etatane slo til på fem stader, og eit større område på Alnabru vart sperra av.

Under aksjonen oppdaga inspektørar frå Mattilsynet at rotter eller andre gnagarar hadde ete av tørrfisk som var klar for sal. Både gnagemerke på tørrfisken og avføring på lasteplanet rundt tørrfisken var nok til å fastslå at tørrfisken var helsefarleg for menneske.

– Vi ser svært alvorleg på dette, og la ned omsetningsforbod for tørrfisken som hadde vore utsett for gnagarar. Vi arbeider vidare med saka og vil vurdere andre og strengare verkemiddel, seier seksjonssjef Inger-Marie Øymo i Mattilsynet. (©NPK)