Sju til legevakt etter brann i Svelvik

(NPK-NTB): Sju personar vart køyrde til legevakta for sjekk etter ein brann i Svelvik i Vestfold tysdag morgon.

Publisert: 08.03.2016 kl 09:54

Sist oppdatert: 08.03.2016 kl 10:20

– Fordelt på dei to bueiningane som begge er overtende, bur det totalt sju personar, derav eitt barn. Alle er gjort greie for og har komme seg ut, opplyser innsatsleiar Geir Bodahl i politiet til Drammens Tidende.

Alle bebuarane vart tatt med til legevakt for sjekk. Operasjonsleiar Marianne Mørch i Søndre Buskerud politidistrikt seier til NTB at eit lite barn er lagt inn til observasjon på sjukehus.

Rekkehuset i Kringsjåveien i Berger i Svelvik stod i full fyr då brannvesenet kom til staden rett før klokka 8.30. Det var ei stund fare for spreiing til nabohuset, men etter ein snau time vart det meldt at brannen var under kontroll. (©NPK)