Sjuk Bjørndalen står over renn

– Eg har slite med eit virus, men no er eg i gang med treninga igjen, seier Bjørndalen til avisa.

Han var ikkje med då det norske laget reiste til Tyskland onsdag. I staden får Alexander Os ein sjanse til å gå verdscup igjen.

Bjørndalen har vore Noregs beste skiskyttar så langt i sesongen og er nummer to i verdscupen samanlagt.

Også Tarjei Bø har slite med sjukdom i julepausen. Han gjekk glipp av ei veke med trening i romjula, men han kjem til å delta i Ruhpolding, der det er sprint fredag, jaktstart laurdag og fellesstart søndag. (©NPK)