Skattesmell for Starbucks og Fiat i EU

EU-kommisjonen i Brussel meiner skatteavtalen til amerikanske Starbucks i Nederland og Fiat-avtalen i Luxembourg bryt med EU-reglane for statsstøtte. Selskapa må no etterbetale millionbeløp.

– Vi sender eit tydeleg bodskap til dei nasjonale styresmaktene om at dei ikkje kan gi selskap, store som små, urettmessige konkurransefordelar, seier EUs konkurransekommissær Margrethe Vestager til pressa i Brussel.

Utregkinga er komplisert og utgjer etterbetaling på mellom 20 og 30 millionar euro for dei to selskapa, mellom 185 og 278 millionar norske kroner etter dagens kurs.

– Nederland og Luxembourg må krevje dette etterbetalt, seier Vestager. (©NPK)