Ski-NM til Alta i 2018

Det blei klart på skistyremøtet denne veka, som var det første styremøtet etter Skitinget i Trondheim siste helga i mai.

Arrangementet i Alta vil gå frå Kaiskuru skistadion og vil også omfatte noregscupfinalane for junior.

– Kaiskuru skistadion har FIS-godkjende løyper og gode fasilitetar for eit slikt arrangement. I tillegg er snø- og føreforholda i Alta normalt gode på̊ den aktuelle tida av sesongen, skriv Norges Skiforbund i ei pressemelding.

Skistyret tildelte også NM i hopp og kombinert for junior i 2017 til IL Veten. Meisterskapen vil bli arrangert i og utanfor Stryn.

NM hopp og kombinert for kvinner i 2017 vil bli arrangert av Furnes Skiløperforening og vil gå i Lierberg hoppsenter og Nybygda skistadion. (©NPK)