Skjerpar tryggleiken under cupfinalane

(NPK-NTB): Paris-terroren gjer at Norges Fotballforbund (NFF) ser nærare på tryggingstiltak framfor cupfinalane, skriv Aftenposten.

– Det er heilt naturleg for oss å sjå på graden av tryggingsnivå etter det som skjedde i Frankrike, seier arrangementsansvarleg i NFF Dag Vestlund til avisa.

– Det som skjedde i Paris, er utruleg trist. Det gir alle som driv med idrett ein vekkjar, det at våre arrangement blir arena for den type aktivitetar. Idrettsarrangement blir brukt for å skape merksemd, fortset han.

Ein av terroristane i Frankrike hadde billett til Stade de France og oppgjeret mellom Frankrike og Tyskland, men vart stoppa i tryggingskontrollen.

Etter terrorangrepa i New York 11. september 2011, vart Ullevaal gjort om til ei bilfri sone. Då vart også parkeringshuset i kjellaren stengt. Vestlund meiner det er for tidleg å seie om ein skjerpar tryggleiken på same måte under cupfinalane.

Rosenborg møter Sarpsborg på Ullevaal søndag, mens Avaldsnes møter LSK Kvinner i Telenor Arena dagen før. (©NPK)