Sky Sports: Tidlegare Manchester City-profil stemnar klubben

Sky Sports har fått stadfesta frå Mendys advokat at dei har stemna City for manglande lønn. Franskmannen vart suspendert av klubben då han vart skulda for fleire valdtekter i august 2021. I juli vart han så frikjent.

Mendys kontrakt gjekk ut i slutten av juni, og sidan har han signert for Lorient i heimlandet Frankrike.

Ifølgje Mendy har han ikkje fått lønn av City etter at han vart suspendert, og meiner å ha krav på lønn ut kontrakten som slutta i sommar.

Manchester City har ikkje svart på Sky Sports sine førespurnader.

Mendy var den dyraste forsvararen i verda då han slutta seg til City frå Monaco i 2017. Han vart verdsmeister med Frankrike i 2018.

(©NPK)

Benjamin Mendy (nr. 22 med ryggen til) stemnar Manchester City for ubetalt lønn. Foto: Svein Ove Ekornesvåg / NTB