Slovakia stansar militærstøtta til Ukraina

Fico kunngjer dette dagen etter at han vart utnemnd som statsminister av president Zuzana Caputova.

Støtta til Ukraina vart eit tema i valkampen. Fico sa då at han vil gi humanitær støtte, men ikkje våpen, til Ukraina. Analytikarar var likevel usikre på om han faktisk kom til å gjere det.

Fico har styrt Ukraina tre gonger tidlegare og leier det sosialdemokratiske partiet Smer, som er omtalt som prorussisk. Han leier ein koalisjon med sentrums-venstrepartiet Hlas-SD og det nasjonalistiske og ope prorussiske partiet SNs.

Ifølgje Kiel-instituttet har Slovakia vore den 13. største bidragsytaren av militærstøtte til Ukraina målt i reine pengar.

Slovakia er den sjette største givaren til Ukraina målt mot BNP når både militær og humanitær støtte blir rekna med.

Valet i Slovakia vart følgt med spenning nettopp på grunn av tvilen om Ukraina-støtta. Slovakia deler grense med Ukraina og det er også uro for at landet skal nekte andre land å sende våpen til Ukraina via Slovakia.

Slovakias nye statsminister Robert Fico. Foto: Darko Bandic / AP / NTB