Snøsmelting gir fare for flaum i delar av fjellet i Sør-Noreg

(NPK-NTB): I det varme vêret smeltar snøen i høgfjellet, og det er sendt ut flaumvarsel for fleire område i Hordaland, Telemark, Buskerud og Aust-Agder.

npk@npk.no

Publisert: 01.06.2016 kl 16:47

Det er venta flaumvassføring særleg i vassdraga som drenerer områda rundt Hardangervidda, melder Noregs vassdrags- og energidirektorat (NVE).

Det er sendt ut flaumvarsel på gult nivå. Det inneber at det kan bli lokale flaumar på grunn av raskt aukande vassføring i bekkar og småelver.

Flaumvarselet gjeld berre område der det framleis er ein del snø i fjellet. I Hordaland gjeld varselet Eidfjord, Odda og Ullensvang. I Aust-Agder er det i Bykle det kan ventast flaum. Varselet gjeld også Tinn, Tokke og Vinje i Telemark og Hol og Nore og Uvdal i Buskerud. (©NPK)