SOHR: Minst 70 krigarar drepne i kampar i Aleppo

(NPK-NTB-AFP): Minst 70 krigarar er det siste døgnet drepne i kraftige kampar mellom regjeringslojale styrkar og opprørarar i provinsen Aleppo i Syria, ifølgje eksilgruppa SOHR.

npk@npk.no

Publisert: 15.06.2016 kl 12:07

Styrkane til regimet har teke tilbake landsbyane Zaytan og Khalasa sørvest for byen Aleppo, opplyser Syrian Observatory for Human Rights (SOHR) onsdag formiddag.

Berre timar tidlegare mista dei kontrollen over det same området, før jihadistgruppa Jabhat al-Nusra gjekk til motangrep ved Khalasa onsdag morgon.

Området er viktig fordi det ligg på ei høgde ved forsyningsruta til regimet sør for byen Aleppo. Opprørskontrollerte område sør i provinsen vart ramma av kraftige luftangrep om natta, opplyser SOHR.

Avisa Al-Watan, som står det syriske regimet nært, melder om fleire russiske luftangrep mot Jabhat al-Nusra, som er al-Qaidas Syria-fløy, onsdag. (©NPK)