Solcellefly landa etter 70 timar over Atlanterhavet

Det vesle flyet er utrusta med fire propellar og 17.000 solceller på vengene, og ved spakane sit Bernard Piccard.

Piccard begynte jordomflyginga i mars 2015 i Abu Dhabi i Dei foreinte arabiske emirata og har vore innom Oman, Myanmar, Kina, Japan, Hawaii, USAs fastland og er no i Sevilla i Spania.

Dette var den 15. etappen på ferda. Dei sveitsiske flygarane Bertrand Piccard og André Borschberg har veksla på å sitte bak propellane. Reisa vart i fjor sommar avbroten på grunn av skadar på batteriet etter ei fem dagar lang flyging frå Japan til Hawaii. I april i år held turen fram frå Hawaii til California, ei strekning det også tok tre dagar å fullføre.

Solar Impulse 2 held vanlegvis ein fart på 48 kilometer timen, men flyet kan fly dobbelt så fort når sola skin frå ein skyfri himmel. (©NPK)