Soldatar blir heidra for Afghanistan-innsats

Espen Haugeland blei i statsråd fredag tildelt Krigskorset med sverd i samband med ei hending i Afghanistan våren 2004. Han får medaljen for å ha vist «personlig mot og tapperhet langt utover det som kan forventes i en heltedåd uten sidestykke, hvor offervilje og mot fremstår som enestående».

Majorane Jørgen Andreas Bull og Jan Helge Dale er tildelt St. Olavsmedaljen med eikegrein, medan kaptein Per Arbe Halvorsen, løytnant Hans Kristian Aasen og dåverande major Bjørn Ekenes Olsen er tildelt Krigsmedaljen for sin innsats i Afghanistan. I tillegg er ytterlegare to skjerma soldatar tildelt Krigsmedaljen.

– Dette er ein tydeleg og fortent heider for den store innsatsen norske soldatar gjer i krevjande operasjonar. Med tildelinga av medaljar viser Noreg takksemd for innsatsen og motet til soldatane. Eg er stolt av dei som blir heidra i dag, seier forsvarsminister Ine Eriksen Søreide (H) i ei (©NPK) pressemelding.