Solid resultat for Kværner

Kværner omsette for 12 milliardar kroner i fjor, nesten 2 milliardar mindre enn i 2014. Likevel melder selskapet om eit resultat før skatt på 579 millionar, 160 millionar meir enn året før. I fjorårets siste kvartal enda resultatet før skatt på 182 millionar, ei kraftig forbetring frå underskotet på 166 millionar i fjerde kvartal 2014.

Selskapet opplyser at årsaka til den kraftige resultatforbetringa kjem av at resultatet i 2014 var negativt påverka av svekt goodwill på 266 millionar kroner.

– Førre år, inkludert fjerde kvartal, har Kværner greidd å halde oppe eit godt aktivitetsnivå, og produktiviteten har utvikla seg positivt på fleire område. Vi held fram med å møte alle milepælar i prosjektporteføljen vår, og vi var stolte over å ha bidratt til produksjonsstart på den nye Edvard Grieg-plattforma i slutten av november, seier konsernsjef Jan Arve Haugan i Kværner. (©NPK)