Spiegel: Regjeringa i Tyskland godkjenner leveransar av 178 Leopard 1-stridsvogner til Ukraina
Den tyske regjeringa har gitt grønt lys til leveransar av 178 Leopard 1-stridsvogner til Ukraina, erfarer nyheitsmagasinet Spiegel.
Regjeringa i Berlin vedtok i januar å levere moderne Leopard 2-stridsvogner frå lagera til den tyske hæren til Ukraina.
Tysdag skriv Spiegel, utan å oppgi kjelder, at tryggingsrådet til den tyske regjeringa har godkjent leveransar av 178 stridsvogner av den eldre typen Leopard 1.
Talet er mykje høgare enn det som tidlegare er opplyst. Nokre av stridsvognene skal sendast i sommar, men dei fleste skal leverast neste år, skriv Spiegel.
Ei rekkje av Ukrainas vestlege allierte har lova å gi ulike typar Leopard-stridsvogner til Ukraina i kampen mot den russiske invasjonsmakta.
Stridsvognene er produserte i Tyskland, og Tyskland må derfor gi løyve til at andre land kan eksportere vidare materiellet. Tyskland gav ein slik lisens førre veke.
Lagra Leopard 1-stridsvogner i Flensburg i Tyskland. Arkivfoto: Constanze Emde / DPA / AP / NTB