SSB: Omsetninga i varehandelen fall med 1,2 prosent i april
Nye tal frå varehandelsindeksen viser ein nedgang i sesongjustert omsetningsvolum for detaljhandelen i april med 1,2 prosent.
– Det var nedgang for dei fleste næringar utanom butikkhandel med klede og daglegvarer i april. Den nedgåande trenden dei siste månadene kan nok i ei viss grad sjåast i samanheng med auka prisar og renter, seier seniorrådgivar Marius Bergh i SSB.