St1 Norge får nye eigarar

St1 har 39 bensinstasjonar i Noreg og omset for 1,1 milliardar kroner i året. Stasjonane vil ikkje endra namn.

Blue Energy Holding, som no kjøper St1 Norge, er eit heileigd dotterselskap av Green Cube Innovation.

– Vi er svært nøgde med å kunna ta over St1-kjeda i Noreg, seier styreleiar Jon Erik Brøndmo i Green Cube Innovation.

– Stasjonane vil halda fram med å vera marknadsleiande på pris og produkt under eigarskapen vår, lovar han.

Det er det finske morselskapet St1 Nordic som sel. Konkurransetilsynet har pålagt St1 Nordic å gjennomføra salet som vilkår for at selskapet skal få lov til å kjøpa dei 420 bensinstasjonane til Shell i Noreg. Føremålet er å hindra at konkurransen blir svekt. (©NPK)