Stadig fleire får sparken etter kuppforsøket i Tyrkia

Nærare 500 er fjerna frå presidentskapet for religiøse spørsmål, som er det øvste religiøse organet i landet, opplyser nyheitsbyrået Dogan.

President Recep Tayyip Erdogans rådgjevar i flyvåpenet, oberstløytnant Erkan Kivrak, er òg blant dei som vert skulda for å ha deltatt i kuppforsøket. Han blei først sett i husarrest på eit hotell i Serik-distriktet sør i landet, men skal sidan vere overført til Ankara, melder Anadolu.

Ifølgje det statlege nyheitsbyrået er 85 generalar og admiralar arresterte og vil bli stilte for retten, tiltalte for å ha deltatt i kuppforsøket.

Av dei rundt 7.500 som er arresterte er 6.000 soldatar. Forsvarsleiinga i landet understrekar likevel at desse utgjer eit mindretal i hæren.

– Det store fleirtalet av våre medlemmer elskar sitt folk, nasjonen og flagget, og dei hadde absolutt ingenting med kuppforsøket til forrædarane å gjere, heiter det i ei kunngjering. (©NPK)