Stadig fleire trur på auka bustadprisar
68 prosent trur på høgare bustadprisar eitt år fram i tid, viser apriltal frå NBBL. Det er opp frå 62 prosent i mars. Berre 7 prosent trur på lågare prisar.
Det kjem fram i Norske Boligbyggelags (NBBL) bustadmarknadbarometer.
– Optimistiske bustadprisforventningar bidreg isolert sett til å trekkje opp aktiviteten i bustadmarknaden. Eg trur at bustadprisane vil halde fram med å auke moderat i månadene som kjem, seier sjeføkonom Hilde Midsem i NBBL
Ho peikar på at det ligg an til reallønnsvekst for dei fleste i år, og at arbeidsløysa erframleis er låg. Midsem trur Noregs Bank kjem med det første rentekuttet sitt mot slutten av året.
Forventningar til renta har endra seg lite frå mars til april i barometeret. Andelen som ventar høgare renter framover, auka litt, frå 23 prosent i mars til 27 prosent i april. 46 prosent ventar at bustadlånsrenta er lågare om eit år, om lag uendra frå mars.
(©NPK)
Fleire trur på auka bustadprisar framover, ifølgje ein undersøking frå NBBL.
Foto: Beate Oma Dahle / NTB / NPK